به پێی ڕاپۆرته‌كان، بەندکراوێکی سیاسی خەڵکی مهاباد دوای ١٤ ساڵ بەندکران له ناڕه‌زایه‌تیی به نه‌بوونی مافی مه‌رەخەسی لە زیندانی یەزد، ده‌ستیدایه مانگرتن له خواردن.
به پێی ئه‌م ڕاپۆرته، “قادر محەممەدزادە”، بەندکراوی سیاسی خەڵکی مەهاباد، لە ڕۆژی چوارشەممە ٢٤ی ڕەزبەره‌وه بە نیشانەی ناڕەزایەتی دەربڕین بە ١٤ ساڵ بەندکرانی بە بێ مافی مه‌رەخەسی و حیساب کردنی حوکمی ٧ ساڵ بەندکران کە پێشتر هەڵوەشابوویەوە، مانی لە خواردن گرتووە. جێگه‌ی ئاماژه‌یه، “قادر محه‌ممه‌دزاده” پێشتر بە تۆمەتی “محاربە” حوکمی سێدارەی بەسەردا سەپاوە و دواتر له دادگای پێداچوونه‌وه حوکمەکەی بۆ ٢٠ ساڵ کەم کرابوویه‌وه.