ڕۆژی سێشەممە ۲۸ی گەلاوێژ، کرێکارانی شارەداری بەندەری ماهشەهر، دژ بە خراپی دۆخی ژیانیان دەستیان لە کار کێشایەوە و مانیان گرت.
ناڕازیان بە وتنەوەی درووشم، گەندەڵی سیستەماتیکی ڕژیمیان کردە ئامانج و خوازیاری بەرز کردنەوەی ئاستی حەقدەست بە پێی ڕێژەی هەڵاوسان، پێدانی حەقدەست و مەزایا دواخراوەکانیان، دابین کردنی بیمەی دەرمانی، وەرگرتنی هێزی کاری نوێ، لابردنی زەختی بەرپرسان لە سەر کرێکاران بۆ کۆتایی هێنانی مانگرتنەکانیان و هەروەها بایەخ دانی ڕژیم بە ژیان و مەعیشەتیان بوون.