ڕۆژی سێشه‌ممه ٨ی ڕه‌زبه‌ری ١٤٠٤، ١٩ به‌ندكراوی سیاسی ژن له زیندانی قه‌رچه‌كی وه‌رامین، مانگرتن له خواردنیان ڕاگه‌یاند.
به‌ندكراوانی سیاسی ژن له ئه‌و به‌ندیخانه‌یه ڕایانگه‌یاند كه به هۆی خراپی دۆخی ته‌ندروستی زیندانیانی ئه‌و زیندانه، نه‌بوونی ئیمكاناتی ده‌رمانی و پزیشكی، بایه‌خ نه‌دانی به‌رپرسانی زیندان به دۆخی ته‌ندروستی زیندانیان، گوشاری به‌رپرسان بۆ سه‌ر زیندانیانی سیاسی و هه‌روه‌ها گیانله‌ده‌ستدانی به‌ندكراوان له ئه‌و زیندانه، مانگرتنه‌كه‌یان ده‌ستپێكردووه و بۆ ماوه‌ی دوو ڕۆژ به‌رده‌وام ئه‌بێت.