كرێكارانی دامه‌زراوه‌ی نه‌یشه‌كه‌ری هه‌فت ته‌په، ڕۆژی یه‌كشه‌ممه ٢٥ی جۆزه‌ردان، له ناڕه‌زایه‌تیی به په‌رداخت نه‌كرانی حه‌قده‌ست و مه‌زایاكانیان، ده‌ستیان له‌كار كێشایه‌وه و مانیان گرت.
كرێكارانی ناڕازیی وێڕای ئاماژه به سه‌رنج نه‌دانی كارفه‌رما به په‌رداخت نه‌كردنی حه‌قده‌سته‌كانیان ده‌ڵێن: به‌دوای تێپه‌ڕبوونی زیاتر له ٨٥ ڕۆژ له ساڵی تازه، كارفه‌رمای شیركه‌ت له‌م دواییانه‌دا حقووقی مانگی خاكه‌لێوه كرێكارانی به بێ گونجاندنی مه‌زایاكانیان، پێ داوه. كرێكارانی ناڕازیی ڕاشیانگه‌یاندووه: جیا له هه‌موو كێشه‌وگرفته‌كانیان، ئه‌وه‌یكه گوشار ده‌خاته سه‌ریان، درێژ نه‌كردنه‌وه‌ی مۆڵه‌تی ده‌فته‌رچه بیمه‌كانیانه به‌هۆی قه‌رزداربوونی كارفه‌رما به سازمانی ته‌ئمینی ئیجتماعی.