كرێكارانی مه‌عده‌نی به‌ردی ئاسنی بافق، ڕۆژی دووشه‌ممه ٣ی خه‌رمانان، له ناڕه‌زایه‌تی به نه‌درانی حه‌قده‌ست و حه‌قی بیمه‌كانیان، ده‌ستیان له كار كێشایه‌وه و مانیان گرت.
كرێكارانی ناڕازی ڕایانگه‌یاندووه كه له ٦ مانگی ڕابردووه‌وه هه‌تا ئێستا به بیانووی كۆرۆنا و نه‌بوونی نه‌خدینه، سه‌ره‌ڕای نه‌درانی حه‌قده‌سته‌كانیان، حه‌قی بیمه‌كانیشیان هه‌تا ئێستا به سازمانی ته‌ئمینی ئیجتماعی واریز نه‌كراوه. هه‌روه‌ها ئاماژه به‌وه‌ش كراوه كه له ماوه‌ی چه‌ند مانگی ڕابردوودا چه‌ندین هاوكاریان به بێ پێدانی حه‌قده‌ست، ده‌ركراون. شایانی باسه كرێكارانی ناڕازی به وتنه‌وه‌ی درووشم خوازیاری گه‌ڕانه‌وه‌ی هاوكارانیان بۆ سه‌ر كار بوون.