به‌یانی یه‌كشه‌ممه ١ی گه‌لاوێژی ١٤٠٢، كرێكارانی مه‌عده‌نی چادۆرمه‌لووی یه‌زد له ناڕه‌زایه‌تی به جێبه‌جێ نه‌كردنی داخوازییه‌كانیان ده‌ستیان له كار كێشایه‌وه و چالاكییه‌كانی مه‌عده‌نیان به ته‌واوی ڕاگرت.
به‌پێی ڕاپۆرته‌كان، كرێكارانی ته‌واوی به‌شه‌كانی مه‌عده‌نی چادۆرمه‌لوو له كاتژمێر ٧ و نیوی به‌یانی ڕۆژی یه‌كشه‌ممه‌وه مانیان گرتووه و خوازیاری چوونه‌سه‌ره‌وه‌ی ئاستی حه‌قده‌ست و مه‌زایا، پێدانی ته‌واوی سوودی سه‌هامی شیركه‌تی سه‌ها، به‌كرده‌وه ده‌رهاتنی گه‌ڵاڵه‌ی هاوسانسازی و دابینكردنی بیمه‌ی ته‌كمیلی بوون.