ڕاپۆرته‌كان باس له‌وه ده‌كه‌ن كه کرێکارانی شارەداریی پیرانشار بەهۆی په‌رداخت نه‌كرانی بڕی چوار مانگ له حه‌قده‌سته‌كانیان لەلایەن شارەداریی ئەو شارەوە، چوار ڕۆژە ده‌ستیان له‌كار كێشاوه‌ته‌وه و مانیان گرتووە.
به پێی ئه‌م ڕاپۆرته، كرێكارانی ناڕازیی له ئێعتڕاز به وه‌ڵام نه‌دانه‌وه‌ی به‌رپرسان به داواکارییەکانیان، ماوەی چوار ڕۆژە کاروباری کۆکردنەوەی زبڵ و خاوێن كردنه‌وه‌ی ناو شاریان ڕاگرتووه و لە بەرامبەریشدا خەڵکی پیرانشار بە نیشانەی ناڕه‌زایەتی دەربڕین، زبڵ و پاشماوەکانیان کە چەندین ڕۆژە لە لایەن شارەدارییەوە کۆ نەکراوەتەوە، لە بەردەم بینای شارەداریی هەڵڕژاندووە. ئه‌مه له‌كاتێكدایه كه شارەداریی پیرانشار هەتا ئێستا هیچ هەنگاوێکی بۆ داواکاریی کارێکارانی مانگرتوو هەڵنەگرتووە و بۆ پاک و خاوێنیی نێو شار کرێکاری ڕۆژکاریان بە جێگای کرێکارانی مانگرتوو هێناوەتە سەر کار.