به پێی ڕاپۆرته‌كان، له ئه‌نجامی مانگرتنی دوو ڕۆژه‌ی فڕۆكه‌وانانی شیركه‌تی فڕۆكه‌وانی “بریتیش ئه‌یرۆز” له بریتانیا، هه‌زار و ٧٠٠ گه‌شتی ئاسمانی ئه‌م فڕۆكه‌خانه‌یه هه‌ڵوه‌شێندراوه‌ته‌وه و به هه‌زار موسافیریش سه‌رگه‌ردان بوون.
ڕۆژی دووشه‌ممه ١٨ی خه‌رمانان، فڕۆكه‌وانانی شیركه‌تی فڕۆكه‌وانی “بریتیش ئه‌یرۆز” له ناڕه‌زایه‌تیی به ئاستی له‌خواره‌وه‌ی حقووقه‌كانیان ده‌ستیان له‌كار كێشایه‌وه و مانگرتنێكی دوو ڕۆژه‌یان ڕاگه‌یاند. شایانی باسه، ناڕازییان ڕایانگه‌یاندووه كه ئه‌گه‌ر وڵامێكی ئه‌رێنی به داواكارییه‌كه‌یان نه‌درێته‌وه، ئه‌وه ١٨ ڕۆژی دیكه سه‌ر له‌نوێ ده‌ست له‌كار ده‌كێشنه‌وه و مان ده‌گرن.