به پێی ڕاپۆرته‌كان، ڕۆژی دووشه‌ممه ٢١ی مانگی گه‌لاوێژ، شوفیری ماشێنه نه‌وت هه‌ڵگره‌كانی پۆرته‌غاڵ له ناڕه‌زایه‌تی به كه‌م بوونی حه‌قده‌سته‌كانیان، ده‌ستییان له كار كێشایه‌وه و مانیان گرت.
به پێی ئه‌م ڕاپۆرته، له‌م مانگرتنه‌دا شۆفیرانی ناڕازی خوازیاری چوونه‌سه‌ره‌وه‌ی ئاستی حه‌قده‌سته‌كانیان بوون و ڕاشیانگه‌یاندووه كه هه‌تا گه‌یشتن به خواسته‌كانیان درێژه به مانگرتنه‌كه‌یان ده‌ده‌ن. جێگه‌ی ئاماژه‌یه، به‌هۆی ئه‌م مانگرتنه‌وه، وێستگه‌كانی پۆمپی بێنزین له وڵاتی پۆرته‌غاڵ قه‌ره‌باڵغ بوون و خه‌ڵك له‌گه‌ڵ كه‌مبوونی سووته‌مه‌نی به‌ره‌وڕوو بوونه‌وه.