“ئومید فه‌تحی” به‌ندكراوی سیاسی ڕاگیراو له زیندانی وه‌كیل ئابادی مه‌شهه‌د، به بڵاو كردنه‌وه‌ی ده‌نگی خۆی، مانگرتن له خواردنی ڕاگه‌یاند.
ناوبراو له فیلمه ده‌نگییه‌كه‌دا ئاماژه به‌وه ده‌كات كه پاش بڵاو كردنه‌وه‌ی فایلی ده‌نگی پێشوو، به‌نده‌كه گۆڕاوه و یاسای “جیاكردنه‌وه‌ی زیندانیان به پێی تاوانه‌كانیان” بۆ ئه‌و به‌ندكراوه له به‌رچاو نه‌گیراوه. ئه‌و به‌ندكراوه دژ به‌‌م كرده‌وه نایاساییه‌ی به‌رپرسانی ئه‌و زیندانه، ڕۆژی ڕابردوو مانگرتن له خواردنی ده‌ستپێكردووه و جه‌خت له سه‌ر ئه‌وه ئه‌كاته‌وه كه تا كاتی وه‌دیهاتنی داخوازییه‌كانی كۆتایی به مانگرتنه‌كه‌ی ناهێنێت.