ڕۆژی ڕابردوو و لە درێژەی جنایەتەکانی ڕژیمدا، دوو بەندکراوی سیاسی ڕاگیراو لە زیندانی قزڵحەساری کەرەج لە سێدارەدراون.
بەپێی دوایین ڕاپۆرتەکان، ئەو دوو هاووڵاتییە بە ناوەکانی “بابەک عەلیپوور و پویا قوبادی“، هاوکات لەگەڵ چوار بەندکراوی سیاسی بە تۆمەتی “بەغی لە ڕێگەی بەشداری لە گروپەکانی دژ بە ڕژیمی کۆماری ئیسلامی“، لە لایەن دەزگای قەزایی ڕژیمەوە حوکمی سێدارەیان بەسەردا سەپێندرابوو. شایانی باسە کە ئەو دوو چالاکوانە بۆ ماوەی زیاتر لە دوو ساڵە لە بەندیخانەکانی ڕژیم لە مافی پەیوەندی لەگەڵ بنەماڵەکانیان و هەروەها دەستڕاگەیشتن بە پارێزەری سەربەخۆ بێبەش کرابوون و هەروەها لە ژێر توندترین ئەشکەنجەکانی هێزەکانی ڕژیمدا بوون.