سەجاد ڕەحمەتی، لاوی تەمەن ٢٦ ساڵ و خەڵکی شاری ئابدانانی سەر بە پارێزگای ئیلام كه لە ڕەوتی ناڕەزایەتییەکانی ساڵی ڕابردووی ئەم شارە بریندار ببوو، بەهۆی سه‌ختی برینەکەیەوە ناچار به نه‌شته‌رگه‌ری كرا و بینایی چاوی چه‌پی بۆ هه‌میشه له ده‌ست دا.
بە وتەی سەرچاوەکانی هەنگاو، سەجاد ڕەحمەتی سەرەڕای برینداربوون و لەدەستدانی بینایی چاوی چه‌پی، بۆ بژێوه‌ی ژیانی له دووکانێکی چاککردنەوەی ئۆتۆمبێل كار ده‌كات. ناوبراو ئێوارەی ٢٥ی ڕەزبەری ١٤٠١ لە مه‌یدانی بەسیجی ئابدانان بە تەقەی هێزە سەرکوتکەرەکانی ڕژیم دەموچاوی بریندار بوو.