له ڕۆژانی ڕابردوودا پێنج به‌ندكراو له زیندانه‌كانی قوم و بۆرازجان، به تۆمه‌ته‌كانی “په‌یوه‌ندیدار به مادده هۆشبه‌ره‌كان” و “كوشتنی به ئه‌نقه‌ست”، له سێداره دراون.
به پێی ڕاپۆرتی ڕێكخراوه‌كانی مافی مرۆڤ، چوار به‌ندكراو كه به ته‌نیا ناسناوی یه‌ك كه‌سیان به ده‌ستمان گه‌یشتووه، به ناوی “مێهرداد ئێروانی”، به تۆمه‌تی “په‌یوه‌ندیدار به مادده‌ی هۆشبه‌ر” له زیندانی قوم ئێعدام كران. هه‌روه‌ها به‌ندكراوێكی دیكه به ناوی “عماد قائدی” له زیندانی بۆرازجان به تۆمه‌تی “كوشتنی به ئه‌نقه‌ست” له سێداره دراوه.