ڕۆژی هه‌ینی ١٨ی مانگی خه‌رمانان، خه‌ڵكی گوندی “بۆنه‌ك”ی سه‌ر به شاری مه‌نووجان، له ناڕه‌زایه‌تی به چالاكی مه‌عده‌نه‌كانی ئه‌و ناوچه‌یه كه بووه‌ته هۆی پیس بوونی ئاوی خواردنه‌وه و له ناوچوونی دارستانه‌كانیان، ده‌ستیان دایه كۆبوونه‌وه‌ی ناڕه‌زایه‌تی.
شێوه‌ی ناستانداردی شیركه‌ته‌كانی به‌شی به‌رهه‌مهێنان له مه‌عده‌نه‌كانی ئۆستانی كرمان، له ماوه‌ی ساڵانی ڕابردوودا په‌ره‌ی سه‌ندووه و زه‌ره‌ر و زیانێكی زووری به ژینگه و سرووشتی ئه‌و ناوچه‌یه گه‌یاندووه و ته‌ندرووستی جه‌سته‌یی دانیشتووانی خستۆته مه‌ترسیه‌وه. شایانی باسه كه شیركه‌ته‌كانی ده‌وڵه‌تی و كه‌رتی تایبه‌ت، ته‌نیا به سوودی خۆیان به‌ها ده‌ده‌ن و هیچ بایه‌خێك به ژینگه و ژیانی خه‌ڵكی هه‌ژار ناده‌ن.