كۆمه‌ڵێك له په‌ره‌ستارانی شیركه‌تی له ته‌ورێز، ڕۆژی یه‌كشه‌ممه ١٨ی جۆزه‌ردان، له ناڕه‌زایه‌تیی به نه‌گۆڕینی بارودۆخی كاریان و هه‌روه‌ها له‌خواره‌وه‌بوونی ئاستی حقووقه‌كانیان، له به‌رامبه‌ر بینای ئۆستانداریی ڕژیم له ئازه‌ربایجانی شه‌رقی كۆبوونه‌وه.
به پێی ڕاپۆرته‌كان، ناڕازییان ڕایانگه‌یاندووه: له مانگی خاكه‌لێوه نزیكه‌ی ٣٠ شیفت كاریان كردووه و ئه‌مه له‌حاڵێكدایه كه بۆ ئه‌م ٣٠ شیفته نه‌ته‌نیا حقووقه‌كانیان له‌چاو پاره‌كه زیاد نه‌كراوه، ته‌نانه‌ت حقووقه‌كانیشیان كه‌میش كراوه‌ته‌وه. ده‌شڵێن: حقووقه‌كانیان له‌چاو حقووقی په‌ره‌ستارانی قه‌راردادی زۆر كه‌متره و به سه‌رنج دان به ڕێژه‌ی له‌ڕاده‌به‌ده‌ری ئاوسان و گرانی سه‌رسووڕهێنه‌ری پێداویستییه‌كانی ژیان، زۆربه‌ی په‌ره‌ستاران ناتوانن به‌م لانیكه‌می حقووقه‌وه ژیانیان دابین بكه‌ن.