به‌دوای به‌كرده‌وه ده‌رنه‌هاتنی یاسای تارفه دانان له‌سه‌ر خزمه‌تگوزارییه‌كانی په‌رستاری، به‌یانی ڕۆژی شه‌ممه، ژماره‌ه‌یه‌ك له په‌رستارانی نه‌خۆشخانه جۆراوجۆره‌كانی تاران، له‌به‌رامبه‌ر مه‌جلیسی ڕژیم ده‌ستیان دایه كۆبوونه‌وه.
به وته‌ی ناڕازیان، له حاڵێك‌دا كه یاسای تارفه دانان له‌سه‌ر خزمه‌تگوزارییه‌كانی په‌رستاری بۆ ماوه‌ی نزیك به ١٣ ساڵه به‌ڕێوه‌ناچێت، نامه‌یه‌ك له تۆڕه كۆمه‌ڵایه‌تیه‌كاندا سه‌باره‌ت به زیاد بوونی ٨ له‌سه‌دیی تارفه‌ی خزمه‌تگوزاریی پزیشكی بڵاو بووه‌ته‌وه. هه‌روه‌ها ده‌شڵێن: به‌ڕواڵه‌ت، ڕێكخراوی به‌رنامه و بوودجه، بڕیاری زیاد كردنی ٨ له‌سه‌دیی هێندێك تارفه‌ی خزمه‌تگوزاریی پزیشكیی ده‌ركردووه و ئه‌وه‌ش له حاڵێك دایه كه ئه‌م یاسایه له كاتی په‌سند كرانییه‌وه، به‌كرده‌وه ده‌رنه‌هاتووه.