دوانیوه‌ڕۆی ڕۆژی هه‌ینی ١٤ی خه‌رمانان، كۆمه‌ڵێك له كرێكارانی وزه‌خانه‌ی به‌رقی ئه‌هواز، له ناڕه‌زایه‌تیی به سپاردنی ئه‌م وزه‌خانه‌یه به كه‌رتی تایبه‌ت، ده‌ستیاندایه كۆبوونه‌وه.
كرێكارانی ناڕازیی به كۆبوونه‌وه له حه‌ساری ئه‌م ناوه‌نده، خوازیاری هه‌ڵوه‌شانه‌وه‌ی خسووسی سازی له‌م وزه‌خانه‌یه بوون. ناڕازییان ڕاشیانگه‌یاندووه: له كاتی سپاردنی ئه‌م وزه‌خانه‌یه به كه‌رتی تایبه‌ت، سه‌ره‌ڕای دواخرانی حه‌قده‌سته‌كانیان، ژماره‌یه‌كی زۆر له هاوكاره‌كانیان به بیانووی جۆراوجۆر له‌سه‌ر كاره‌كانیان ده‌ركراون.