سه شنبه – ۱۸ تیر – ۱۳۹۸ , 09 – 07 – 2019
ڕۆژی دووشه‌ممه ١٧ی مانگی پوشپه‌ر، كرێكارانی كارخانه‌ی باخته‌ر بیوشیمی له شاری كرماشان، به كۆبوونه‌وه له به‌رامبه‌ر بینای دیوان عداله‌ت و وه‌زاره‌تی بێهداشتی ڕژیم، له ئاست بیلاته‌كلیفی كارییان ناڕه‌زایه‌تییان ده‌ربڕی.
به پێی ئه‌م ڕاپۆرته، ئه‌م شیركه‌ته به سابقه‌ی ٣٠ ساڵ كار له‌م شاره لانیكه‌م ماوه‌ی پێنج ساڵه ڕووبه‌ڕووی كێشه‌ی قیمه‌ت گوزاری دارووه‌كان له لایه‌ن سازمانی غه‌زا و داروی ئێران بوونه‌ته‌وه. كرێكارانی ڕایانگه‌یاندووه، له ماوه‌ی چه‌ند مانگی ڕابردوودا، به مه‌به‌ستی چاره‌سه‌ر كردنی كێشه‌كان چه‌ندین له به‌رامبه‌ر ناوه‌نده ده‌وڵه‌تییه جۆرواجۆره‌كان كۆبوونه‌ته‌وه به‌ڵام هێچ به‌رپرسێك ئه‌م چاره‌سه‌ری كێشه‌كانیان نه‌كردووه.