ژماره‌یه‌ك له كرێكارانی كاشی كاری ئیسفه‌هان، ڕۆژی شه‌ممه ٣١ی جۆزه‌ردان، له ناڕه‌زایه‌تیی به په‌رداخت نه‌كرانی حه‌قده‌ست و مه‌زایاكانیان له به‌رامبه‌ر ده‌رگای چوونه‌ژووره‌وه‌ی ئه‌م كارخانه‌یه، ده‌ستیاندایه كۆبوونه‌وه.
به‌وته‌ی ناڕازییان، له‌و كاته‌وه‌ی كه شیركه‌ت به كه‌رتی تایبه‌ت سپێردراوه، كێشه‌وگرفته‌كانیان ده‌ستی پێكردووه و جگه له خانه‌نشین كراوانی ئه‌م شیركه‌ته كه هێشتا هه‌ندێ له مۆتاڵه‌باته‌كانیان په‌رداخت نه‌كراوه، نزیكه‌ی ٤٠٠ كرێكاری شاغڵ له‌م شیركه‌ته كار ده‌كه‌ن كه یه‌ك تا دوو ساڵ حه‌قده‌ست و مه‌زایای دواخراویان هه‌یه كه هه‌تا ئێستا پێیان نه‌دراوه.