ڕۆژی دووشه‌ممه ٢٤ی مانگی پووشپه‌ڕ، دانیشتووانی ناوچه‌ی هێمه‌ت ئابادی شاری مه‌شهه‌د له ناڕه‌زایه‌تی به كه‌مبوون و خاوێن نه‌بوونی ئاو، جاده‌ی سیمانی ناوچه‌ی ٣ی شاره‌داریی مه‌شهه‌دییان به‌ست.
به پێی ڕاپۆرته‌كان، دانیشتووانی ناوچه‌ی هێمه‌ت ئاباد هه‌ڵكه‌وتوو له ناوچه‌ی ٣ی شاری مه‌شهه‌د له ئاست قه‌تع بوونی ئاو، سووتانی كوولێر و ئامێره‌كانی پاڵاوتنی ئاو ناڕه‌زایه‌تییان ده‌ربڕیوه. ناڕازیان ڕایانگه‌یاندووه كه به‌هۆی چوونه‌سه‌ره‌وه‌ی پله‌كانی گه‌رما و نه‌بوونی ئاو، تووشی كێشه‌ی زۆر بوون و هاووڵاتییان به تایبه‌ت منداڵان له دۆخێكی ناله‌باردا ده‌ژین.