كۆمه‌ڵێك له كرێكارانی كارخانه‌ی ڕۆنی نه‌باتی بێهشه‌هر، ڕۆژی شه‌ممه ١ی خه‌رمانان به به‌ڕێوه‌بردنی كۆبوونه‌وه‌یه‌ك له حه‌ساری ئه‌م كارخانه‌یه له جاده‌ی كۆنی كه‌ره‌ج، خوازیاری به‌ستنی قه‌راردادی ڕاسته‌وخۆ و نه‌مانی شیركه‌ته په‌یمانكارییه‌كان بوون.
به پێی ئه‌م ڕاپۆرته، كرێكارانی شیركه‌تی سه‌نعه‌تی لادن ڕایانگه‌یاندووه، سه‌ره‌ڕای خواستی نه‌مانی شیركه‌ته په‌یمانكارییه‌كان له‌م كارخانه‌یه كه گرینگترین خواستییانه، ده‌ڵێن: له‌ئاست بارودۆخی كاریان، په‌رداخت نه‌كرانی حه‌قده‌ست و مه‌زایاكانیان و هه‌روه‌ها حه‌قی بیمه‌كانیان ناڕازیین. ده‌شڵێن: له ماوه‌ی ٢٠ ساڵی ڕابردوودا، ئه‌م كارخانه‌یه له‌نێوان شیركه‌ته په‌یمانكارییه‌كان ده‌ستاوده‌ست كراوه و به‌م هۆیه‌وه بارودۆخی كاریان ناسه‌قامگیره و له‌ئاست ئه‌م وه‌زعه ناڕازیین. كرێكارانی ناڕازیی ئاماژه‌یان به‌وه‌ش كردووه كه شیركه‌ته په‌یمانكارییه‌كان بڕه پاره‌یه‌ك كه له‌بابه‌ت هه‌زینه‌ی حه‌قده‌ست، بیمه‌ی و مه‌زایای كرێكاران له كارفه‌رما وه‌رده‌گرن، به شێوه‌ی نیوه په‌رداختی ده‌كه‌ن و له‌م پاره‌یه ڕێژه‌یه‌كی زۆر كه‌م به كرێكاران ده‌درێت.