كرێكارانی كارخانه‌كانی به‌رهه‌مهێنانی بێتۆنی ئه‌ندیمێشك، ڕۆژی چوارشه‌ممه ٣ی به‌فرانبار، له ناڕه‌زایه‌تیی به په‌رداخت نه‌كردنی بڕی سێ مانگ حه‌قده‌ست، بیمه و مه‌زایاكانیان، ده‌ستیاندایه كۆبوونه‌وه.
كرێكارانی ناڕازیی ده‌ڵێن: به‌هۆی په‌رداخت نه‌كردنی سه‌روه‌ختی حه‌قده‌سته‌كانیان له‌گه‌ڵ كێشه‌وگرفتێكی زۆر له بواری دابین كردنی بژێوی ژیانیان به‌ره‌وڕوو بوونه‌ته‌وه. ده‌شڵێن: كارخانه‌ی بێتۆنی ئه‌ندیمێشك یه‌كێكه له كارخانه‌كانی به‌رهه‌مهێنانی تراوێرس له ئێران كه زۆربه‌ی كرێكاره‌كانی به‌هۆی سه‌روه‌خت په‌رداخت نه‌كردنی حه‌قده‌سته‌كانیان له‌گه‌ڵ كێشه به‌ره‌وڕوون. ناڕازییان هه‌روه‌ها ئاماژه‌یان به‌وه كردووه كه به‌هۆی دواخرانی بڕی ٣ مانگ حه‌قده‌ست و مه‌زایایان، ڕۆژ له‌گه‌ڵ ڕۆژ خوانه‌كانیان چكۆله‌تر ده‌بێته‌وه.