كۆمه‌ڵێك له كرێكارانی بیناسازیی سه‌بزه‌وار، ڕۆژی سێشه‌ممه ١٨ی سه‌رماوه‌ز، له ناڕه‌زایه‌تیی به پشتیوانی نه‌كردنی ده‌وڵه‌ت له كرێكارانی بێكاری بیناسازیی، ده‌ستیاندایه كۆبوونه‌وه.
به پێی ئه‌م ڕاپۆرته، ئه‌م كرێكارانه كه به‌هۆی قه‌یرانی پزیشكی و ئابووری چه‌ندین مانگه بێكارن، وێڕای ده‌ربڕینی ناڕه‌زایه‌تیی به سه‌رنج نه‌دانی به‌رپرسان به كێشه‌وگرفته‌كانیان، له‌ڕێگه‌ی به‌ده‌سته‌وه گرتنی چه‌ندین پلاكارد به ناوه‌ڕۆكی “ئێمه بێكارین” و “ئێمه ئه‌منییه‌تی كاریمان نییه” له‌ئاست بارودۆخی ناله‌باری كاری و گوزه‌رانیان ناڕه‌زایه‌تییان ده‌ربڕی.