سه‌ره له‌به‌یانی ڕۆژی شه‌ممه ٦ی مانگی گوڵان، كرێكارانی ڕێستوورانه‌كانی موجته‌مه‌ع مه‌سكوونی پارس، بۆ جارێكی دیكه له‌ئاست په‌رداخت نه‌كرانی بڕی دوو مانگ له حه‌قده‌سته‌كانیان ده‌ستیاندایه كۆبوونه‌وه.
ئه‌م كرێكارانه كه له‌ڕۆژی چوارشه‌ممه‌وه هه‌تا ئێستا له به‌رامبه‌ر فه‌رمانداریی شارستانی جه‌م ده‌ستیانداوه‌ته كۆبوونه‌وه، له‌م پێوه‌نده‌دا ڕایانگه‌یاندووه: له سه‌ره‌تای بڵاوبوونه‌وه‌ی ویرووسی كۆرۆنا و ته‌عتیل كرانی ڕێستوورانه‌كان، له‌سه‌ر كار ده‌ركراون و هێشتا حه‌قده‌ستی مانگی ڕه‌شه‌ممه‌ی پاره‌كه و هه‌روه‌ها مانگی خاكه‌لێوه‌ی ئه‌مساڵیان پێ نه‌دراوه و ئه‌مه‌ش كێشه‌وگرفتێكی زۆر له بورای دابین كردنی بژێوی ژیانی خۆیان و بنه‌ماڵه‌كانیان پێكهێناوه.