کۆمەڵە_رێكخراوی كوردستانی حیزبی كۆمونیستی ئیران
جیهان

كۆبوونه‌وه‌ی بنه‌ماڵه‌ی قوربانییانی شه‌ڕ له‌ ئه‌فغانستان

به‌ پێی ڕاپۆرته‌كان، كۆمه‌ڵێك له‌ بنه‌ماڵه‌ی قوربانییانی شه‌ڕ له‌ ئه‌فغانستان، ڕۆژی دووشه‌ممه‌ به‌ كۆبوونه‌وه‌ سه‌ره‌ گڵكۆی ئازیزانیان له‌ئاست وتووێژی ئاشتی له‌ نێوان ده‌وڵه‌تی ئه‌فغانستان و تاڵبان كه‌ له‌ ڕۆژی شه‌ممه‌ ٢٢ی خه‌رمانانه‌وه‌ ده‌ستی پێكردووه‌، ناڕه‌زایه‌تییان ده‌ربڕی.

ناڕازییان ڕایانگه‌یاندووه‌: ڕێككه‌وتنی ئاشتی به‌ بێ له‌به‌ر چاو گرتنی مافی قوربانییان، ڕێككه‌وتنێكی ناسه‌قامگیره‌ و ده‌بێ به‌شێكی زیاتر به‌ بنه‌ماڵه‌ی قوربانییان تایبه‌ت بدرێت. شایانی باسه‌، ئه‌م كه‌سانه‌ به‌ نیشانه‌ی ناڕه‌زایه‌تیی به‌ نادادپه‌روه‌ری و هه‌ڵاواردن، چوونه‌ته‌ قه‌برستانی “شوهه‌دای دانایی” و ڕایانگه‌یاندووه‌ كه‌ ده‌یانه‌وێت له‌ وتووێژه‌كانی ئاشتی له‌ نێوان ده‌وڵه‌تی ئه‌فغانستان و تاڵبان، نوێنه‌رانی خۆیان هه‌بێ. ئه‌مه‌ له‌كاتێكدایه‌ كه‌ هاوكات له‌گه‌ڵ به‌ڕێوه‌چوونی ئه‌م وتووێژانه‌ و ئازادكرانی دوایین گرووپی به‌ندكراوانی تاڵبان، شه‌ڕ و تێكهه‌ڵچوونه‌كان له‌ ناوچه‌ جۆراوجۆره‌كانی ئه‌فغانستان په‌ره‌ی سه‌ندووه‌.

بابەتی پەیوەندیدار

چالاكی ژنانی ئه‌فغانستانی دژبه‌ حكوومه‌تی تالیبان

-

كۆبوونه‌وه‌ی ئێرانیانی ئازادیخواز له‌ فڕانكفۆرتی ئاڵمان

-

له‌سێداره‌دانی سێ به‌ندكراو له‌ زیندانی ته‌ورێز

-

سه‌پاندنی سزای زیندان به‌سه‌ر چالاكانی مافی ژن له‌ گیلان

-

كۆبوونه‌وه‌ی كرێكارانی شاره‌داری له‌ ئه‌ندیمشك

-

كوژران و برینداربوونی چه‌ند كه‌س له‌ هێرشی داعش له‌ ڕۆژئاوای كوردستان

-