له ماوه‌ی ڕۆژانی ڕابردوودا، پزیشكان و كادری ده‌رمان له چه‌ند وڵاتی ئه‌فریقایی دژبه دۆخی خراپی پیشه‌یی و مه‌عیشه‌تی ده‌ستیان له‌كار كێشاوه و كۆبوونه‌وه‌ی ناڕه‌زایه‌تیان به‌ڕێوه بردووه.
پزیشكان، یاریده‌ده‌رانی پزیشكی، په‌ره‌ستاران و كادری ده‌رمانی نه‌خۆشخانه له وڵاتانی مووزامبیك، كنیا، زیمبابوه و چه‌ند وڵاتی دیكه‌ی ئه‌فریقایی له ئاست كه‌می حه‌قده‌ست ناڕازین و داوا ده‌كه‌ن ته‌عرفه‌ی دره‌مان بڕواته سه‌ره‌وه. ناڕازیان هه‌روه‌ها ده‌ڵێن: نه‌بوونی ئیمكاناتی پزیشكی و ساعه‌تی كاری زۆر، بووه‌ته هۆی گیانله‌ده‌ستدانی چه‌ندین نه‌خۆش و چی تر ناتوانن له ئاست ئه‌و باروودۆخه بێده‌نگ بن.