ڕۆژی پێنجشه‌ممه ١ی خه‌رمانان، كرێكارانی په‌یمانی و ئه‌ركان سالسی شاغڵ له پاڵاوگه‌كانی پارسی جنووبی هاوڕێ له‌گه‌ڵ بنه‌ماڵه‌كانیان له شارستانی جه‌م خۆپێشاندانیان كرد.
ماوه‌ی زیاتر له سێ حه‌فته‌یه كه كرێكارانی ئه‌ركان سالس و په‌یمانی شاغڵ له پاڵاوگه‌كانی پارسی جنووبی مانیان گرتووه، به‌ڵام به‌رپرسانی ڕژیم سه‌ره‌نجیان به كێشه و گرفته‌كانیان نه‌داوه. كرێكارانی ئه‌ركان سالس و په‌یمانی خوازیاری زیادكردنی ئاستی حه‌قده‌ست، دابینكردنی ئیمكاناتی ڕیفاهی، به‌ڕێوه‌چوونی یاسای ١٤ ڕۆژ كار- ١٤ ڕۆژ پشوودان، وه‌لانانی جیاوازی، له‌سه‌ركار لابردنی به‌ڕێوه‌به‌رانی ناكارامه، به‌كرده‌وه‌ده‌رهاتنی ماده‌ی ١٠ی ئه‌رك و به‌رپرسیاره‌تی پێرسۆنێلی نه‌وت، گۆڕانی دۆخی پیشه‌یی و نوێكردنه‌وه‌ی گرێبه‌سته‌كانیان بوون.