كارمه‌ندان و كادری ده‌رمانی نه‌خۆشخانه‌ی “زاگرۆس“ی شاری ئیلام، ڕۆژی چوارشه‌ممه ٢٧ی مانگی ڕێبه‌ندان، له ناڕه‌زایه‌تی به باروودۆخی خراپی نه‌خۆشخانه و له خواره‌وه‌بوونی ئاستی كه‌می خزمه‌تگۆزارییه‌كان بۆ دانیشووانی ئه‌و ئۆستانه، كۆبوونه‌وه.
به پێی ڕاپۆرته‌كان، ئۆستانی ئیلام ته‌نیا ئۆستانی ئێرانه كه نه‌خۆشخانه‌كی زۆرترین كه‌موكۆڕی هه‌یه و كێشه و گرفتی زۆری بۆ خه‌ڵك و كادری ده‌رمانی ئه‌و نه‌خۆشخانه‌یه سازكردووه. به وته‌ی كادری ناڕازی ئه‌و نه‌خۆشخانه‌یه، ڕێژه‌یه‌كی به‌رچاو له دانیشتووانی ئه‌و ئۆستانه بیمه‌ی ته‌ئمیین ئیجتیماعیان هه‌یه به‌ڵام نه‌خۆشخانه‌ی “زاگرۆس” كێشه‌ی زۆره و توانای وڵامدانه‌وه‌ی پێداویستییه‌كانی خه‌ڵكی نییه و ده‌وڵه‌تیش هیچ هه‌نگاوێكی بۆ چاره‌سه‌ر كردنی كێشه‌كانی ئه‌و ئۆستانه هه‌ڵنه‌گرتووه.