ڕۆژی یه‌كشه‌ممه ٢٠ی خه‌زه‌ڵوه‌ر، شۆفێرانی تاكسی وه‌ن له شاره‌كانی تاران، هه‌مه‌دان و مه‌ڵایه‌ر له ئاست به‌كرده‌وه ده‌رنه‌هاتنی به‌ڵێنه‌كانی ده‌وڵه‌ت ناڕه‌زایه‌تیان ده‌ربڕی.
به وته‌ی شۆفێرانی ناڕازی، به‌رپرسانی ده‌وڵت پێشتر به‌ڵێنی نوێكردنه‌وه‌ی ناوگانی تاكسیڕانیان دابوو، به‌ڵام پاش چه‌ند ساڵ هێشتا به‌ڵێنه‌كانیان جێبه‌جێ نه‌كردووه و كۆن بوونی ئۆتۆمبێله‌كان و نه‌بوونی پارچه‌ی یه‌ده‌ك له بازاڕ، كێشه‌ی بۆ ساز كردوون و داهاتیان له‌گه‌ڵ تێچووی ژیانیان یه‌ك ناگرێته‌وه. شۆفێرانی ناڕازی داوا ده‌كه‌ن ده‌وڵه‌ت پارچه‌ی یه‌ده‌كی ئۆتۆمبێل و لاستیكیان بۆ دابین بكات، یان به پێی به‌ڵێنه‌كانی پێشوویان ئۆتۆمبێله‌كانیان بگۆڕن و تاكسی تازه‌یان پێ بده‌ن.