ڕۆژی هه‌ینی ٢٨ی خه‌رمانان، خه‌ڵكی شارستانی عه‌له‌ویجه‌ی ئیسفه‌هان دژ به له ناوبردنی سرووشتی ناوچه‌كه به هۆی چالاكی كانگه‌كان كۆبوونه‌وه.
خه‌ڵكی ناڕازی ئه‌و شاره ئاماژه به‌وه ده‌كه‌ن كه به هۆی چالاكییه‌كانی کانگه‌كانی ئه‌و ناوچه‌یه، سه‌رچاوه ئاوییه‌كان پیس بوون و سرووشتی ناوچه‌كه له ناو چووه. ناڕازیان له به‌رده‌وامی كۆبوونه‌وه‌كه‌دا خوازیاری كۆتایی هاتنی چالاكییه‌كانی كانگه‌كان، سزادانی تاوانبارانی ئه‌م كاره‌ساته و هه‌روه‌ها بایه‌خ دان به داخوازییه‌كانی خه‌ڵكی ئه‌و شاره بوون.