ڕۆژی هه‌ینی ٦ی مانگی گه‌لاوێژ، بنه‌ماڵه‌ی دادخوازانی بۆكان له‌سه‌ر مه‌زاری رڕۆڵه‌كانیان كۆبوونه‌وه و ئه‌و گۆڕانه‌ی ڕژیم له ته‌نیشت مه‌زاری ڕۆڵه‌كانیان كه‌ندبووی، پڕیان كرده‌وه.
حه‌وتووی ڕابردوو به‌كرێگیراوانی كۆماری ئیسلامی چه‌ندین قه‌بریان له ته‌نیشت مه‌زاری گیانبه‌ختكردووانی ڕێگای ئازادی له شاری بۆكان لێ دا تاكوو سیمای ئه‌و گۆڕستانه بشێوێنن و ڕێگه له ده‌ستڕاگه‌یشتنی خه‌ڵك به گۆڕه‌كان بگرن. ڕۆژی هه‌ینی دایكی هه‌میشه زیندوو “محه‌ممه‌د حه‌سه‌ن زاده” هاوڕێ له‌گه‌ڵ كۆمه‌ڵێك له بنه‌ماڵه‌ی دادخوازان به ده‌ستی به‌تاڵ هه‌وڵی پڕكردنه‌وه‌ی گۆڕه‌كانیان دا و ناڕه‌زایه‌تی خۆیان له ئاست سه‌ركوتگه‌رییه‌كانی ڕژیم نیشان دا.