ڕۆژی شه‌ممه ١٦ی خاكه‌لێوه‌ی ١٤٠٤، بنه‌ماڵه‌ی بێسه‌روشوێنكراوان و به‌ندكراوانی سیاسی نه‌خۆش له زیندانه‌كانی توركیا له چه‌ند شاری باكووری كوردستان دژ به ده‌وڵه‌تی ئه‌ردۆغان خۆپێشاندانیان كرد.
به‌پێی ڕاپۆرتی میدیاكانی باكووری كوردستان، بنه‌ماڵه‌ی بێسه‌روشوێنكراوان له شاره‌كانی ئامه‌د، ئێلح و جووله‌مێرگ له به‌رده‌م ناونده قه‌زاییه‌كانی توركیا كۆبوونه‌ته‌وه و خوازیاری ڕوونكردنه‌وه‌ی چاره‌نووسی ئازیزانیان بوون. له‌لایه‌كی دیكه‌وه، بنه‌ماڵه‌ی به‌ندكراوانی سیاسی نه‌خۆش له زیندانه‌كانی ئێزمیر و ئێستانبوول له دوو كۆبوونه‌وه‌ی جیاجیادا خوازیاری ده‌ستڕاگه‌یشتنی ئازیزانیان به ده‌رمان له ده‌ره‌وه‌ی زیندان بوون.