ڕۆژی سێشه‌ممه ١٧ی پووشپه‌ڕ، ئێرانیانی ئازادیخواز له شاره‌كانی فڕانكفۆرت و هامبوورگی ئاڵمان دژ به كۆماری ئیسلامی دروشمیان به‌رز كرده‌وه و پشتیوانی خۆیان له كارزاری سێشه‌ممانه‌ی نا بۆ سێداره دووپات كرده‌وه.
به‌شداربووانی ئه‌و چالاكییانه به به‌ده‌سته‌وه‌گرتنی وێنه‌ی به‌ندكراوانی سیاسی و زیندانیانی مه‌حكووم به ئێعدام، دژ به به‌رپرسانی كۆماری ئیسلامی دروشمیان به‌رز كرده‌وه و خوازیاری هه‌ڵوه‌شانه‌وه‌ی سزای سێداره و ئازادی هه‌موو به‌ندكراوانی سیاسی بوون.