به‌یانی ڕۆژی چوارشه‌ممه ٣ی مانگی جۆزره‌دان، په‌هباده‌كانی توركیا هێرشیان كرده سه‌ر خانوویه‌ك له شه‌نگال و به‌هۆیه‌وه هاووڵاتیه‌ك گیانی له‌ده‌ست دا و كه‌سێكی دیكه‌ش به‌سه‌ختی بریندار بوو.
به‌پێی ڕاگه‌یاندنی هێزه‌كانی خۆبه‌ڕێوه‌به‌رایه‌تی شه‌نگال، په‌هباده‌كانی ڕژیمی توركیا مه‌قه‌ڕی میوانانی ئیداره‌ی خۆبه‌ڕێوه‌به‌ری شه‌نگالیان كردۆته ئامانج و به‌هۆیه‌وه میوانێك به‌ناوی “سه‌عید ئاشور” كه بۆ سه‌ردان هاتبوو گیانی له‌ده‌ست داوه و كه‌سێكی دیكه‌ش به سه‌ختی بریندار و ڕاگوێزی نه‌خۆشخانه كراوه.