له ڕۆژانی ڕابردوودا، ژنێكی گه‌نجی خه‌ڵكی كرماشان به ناوی كه‌وسه‌ر دارابی له‌لایه‌ن هاوژینه‌كه‌یه‌وه به چه‌ك كوژرا.
به‌پێی زانیارییه‌كان، بكوژ به بیانووی كێشه‌ی خێزانی ته‌قه‌ی له كه‌وسه‌ر دارابی كردووه و ناوبراوی كوشتووه. كه‌وسه‌ر دارابی له ته‌مه‌نی ١٨ ساڵی دا ناچار به هاوسه‌رگیری زۆره‌ملێ كرابوو، به‌و بۆنه‌وه به‌رده‌وام له‌لایه‌ن هاوسه‌ره‌كه‌یه‌وه ئه‌شكه‌نجه و ئازار دراوه. كاتێك داوای جیابوونه‌وه‌ی له هاوژینه‌كه‌ی كردووه، به ته‌قه‌ی ڕاسته‌وخۆ كوژراوه و بكوژ له‌لایه‌ن پۆلیسه‌وه ده‌ستبه‌سه‌ر كراوه.