ڕۆژی شه‌ممه ١٦ی پووشپه‌ڕ، ئه‌رته‌شی ئیسڕائیل چه‌ند ناوچه‌ی له ئۆردووگای جنین له كه‌رانه‌ی باخته‌ری و ناوه‌ندی غه‌زه بۆردوومان كردووه و به‌هۆیه‌وه چه‌ندین فه‌له‌ستینی گیانیان له‌ده‌ست داوه.
به‌پێی ڕاپۆرته‌كان، پێنج فه‌له‌ستینی له هێرشێكی ئیسڕائیل له شاری جه‌نینی سه‌ر به كه‌رانه‌ی باخته‌ری گیانیان له‌ده‌ست داوه. له ئۆردووگای نه‌سیرات ١٠ كه‌س كوژراون و به‌هۆی بۆردوومانی مه‌دره‌سه‌یه‌ك له ناوه‌ندی غه‌زه، ١٦ فه‌له‌ستینی دیكه گیانیان له‌ده‌ست داوه و به ده‌یان كه‌س بریندار بوون. به وته‌ی وه‌زاره‌تی بێهداشتی غه‌زه، ٢٥٠ هه‌زار فه‌له‌سیتنی دیكه به‌هۆی ده‌ستپێكی قۆناغی سێی ئۆپراسیۆنی ئیسڕائیل ئاواره بوون و پێویستیان به یارمه‌تی مرۆیی هه‌یه.