كاربه‌ده‌ستانی گه‌چساران ڕایانگه‌یاندووه كه به‌هۆی كه‌وتنه‌وه ئاگر له دارستانه‌كانی ئه‌م ناوچه‌یه، نزیكه‌ی ٩٠ هێكتار له‌ناو ئاگردا سووتاون.
به پێی ئه‌م ڕاپۆرته،به‌دوای كه‌وتنه‌وه‌ی ئاگری به‌رین له دارستانه‌كانی ئه‌ره‌سباران، ئێستا ئاگر له دارستانه‌كانی گه‌چساران كه‌وتووه‌ته‌وه و به‌هۆیه‌وه ٩٠ هێكتار له دار و باغه‌كانی ده‌ورووبه‌ر زیانیان به‌ركه‌وتووه. به پێی لێدوانه‌كانی سه‌رۆكی ئیداره‌ی سه‌رچاوه سرووشتییه‌كانی شارستانی گه‌چساران، ئه‌م ئاگركه‌وتنه‌وه‌یه له نزیك كارگه‌یه‌كی ئاژه‌ڵداری ده‌ستی پێكردووه و ناوچه‌ی “سه‌رابننیز” و “ته‌لخاب شیرین”ی گرتووه‌ته‌وه و له ئه‌نجامیدا ٣٠ هێكتار له زه‌وی زاره‌كان و هه‌روه‌ها ٦٠ هێكتار له دارستانه‌كانی ئه‌م ناوچه‌یه له‌ناو ئاگردا سووتاون.