ڕۆژی چوارشه‌ممه ١٠ی گه‌لاوێژ، خه‌ڵكی كه‌رانه‌ی باخته‌ری، ئۆرشه‌لیمی شه‌رقی و غه‌زه له ناڕه‌زایه‌تی به تیرۆری ئیسماعیل هه‌نیه له شاری تاران، مانیان گرت و دووكانه‌كانیان نه‌كرده‌وه.
به‌پێی ئه‌و ویدیۆیانه‌ی له تۆڕه كۆمه‌ڵایه‌تیه‌كان بڵاو كراوه‌ته‌وه، دانیشتووانی كه‌رانه‌ی باخته‌ری دووكان و بازاڕیان داخستووه و خه‌ڵكی غه‌زه‌ش كۆبوونه‌وه‌ی ناڕزایه‌تیان به‌ڕێوه بردووه. له‌لایه‌كی دیكه‌وه خامنه‌یی و یه‌ك به یه‌كی به‌رپرسانی ده‌وڵه‌تی و نیزامی كۆماری ئیسلامی باس له تۆڵه‌سه‌ندنه‌وه‌ی سه‌خت ده‌كه‌ن و نوێنه‌رانی چین و ڕووسیه و چه‌ند وڵاتی دیكه، تیرۆری سه‌رۆكی ده‌فته‌ری سیاسی حه‌ماسیان له تاران مه‌حكووم كردووه. له نێو وڵاتانی ئورووپایی دا ته‌نیا ئاڵمان داوای له ئیسڕائیل و ئێران كردووه ڕێگه له چوونه‌سه‌ره‌وه‌ی گرژی و ئاڵۆزییه‌كان بگرن تاكوو ناوچه‌كه به‌ره‌و شه‌ڕێكی گه‌وره نه‌چێت.