له ئه‌نجامی چوار ڕووداوی شوێنی كار له شاره‌كانی، ئاران و بیدگۆل، ئیسلامشار و ئیسفه‌هان، لانیكه‌م كرێكارێك به‌هۆی نه‌بوونی ئه‌یمه‌نی شوێنی كار گیانی له‌ده‌ستداوه و ٤ كرێكاری دیكه‌ش به سه‌ختی برینداربوون.
له یه‌كه‌م ڕووداودا، كرێكارێكی ٦٠ ساڵ ته‌مه‌ن له شارستانی ئاران و بیدگۆل، له‌كاتی نوێژنكردنه‌وه‌ی یه‌خچاڵێك له گه‌ڕه‌كی “فه‌یزاوا” تووشی به‌رق گرتووی بوو و به‌هۆیه‌وه گیانی له‌ده‌ستدا. له دووهه‌م ڕووداودا، نیگه‌بانێك به‌هۆی ئاگركه‌وتنه‌وه له كارگه‌یه‌كی دارتاشین له گوندی “ده‌عه‌باس”ی ئیسلامشار، به سه‌ختی برینداربوو. هه‌روه‌ها له ئه‌نجامی ته‌قینه‌وه‌ی كه‌پسوولێكی گاز له دووكانێكی پڕكردنه‌وه‌ی گاز له شاری ئیسفه‌هان، لانیكه‌م دوو كرێكار تووشی سووتان بوون و به سه‌ختی برینداربوون. شایانی باسه، له ئه‌نجامی ئه‌م ته‌قینه‌وه‌یه، ئاگركوژێنه‌وه‌یه‌كیش به سه‌ختی برینداربووه.