ڕۆژی دووشه‌ممه ١٩ی خه‌رمانان، ئه‌رته‌شی ئیسڕائیل ئۆردووگای ئاواره‌كانی له خان یوونس بۆردوومان كرد و به‌وهۆیه‌وه ٤٠ فه‌له‌ستینی گیانیان له‌ده‌ست دا و ٦٠ كه‌سی دیكه‌ش بریندار بوون.
بۆردوومانی ئۆردووگای ئاواره‌كانی غه‌زه كاردانه‌وه‌ی توندی كۆمه‌ڵگای جیهانی لێكه‌وتووه‌ته‌وه، به‌ڵام به‌رپرسانی ده‌وڵه‌تی ئیسڕائیل ڕایانگه‌یاندووه كه شوێنی كۆبوونه‌وه‌ی چه‌كدارانی حه‌ماسیان بۆردوومان كردووه. بڵاو بوونه‌وه‌ی وێنه‌ی قوربانیان پێچه‌وانه‌ی قسه‌ی به‌رپرسانی ڕژیمی فاشیستی ئیسڕائیل نیشان ئه‌دات. شایانی باسه كه زۆربه‌ی قوربانییه‌كان ژن و منداڵ بوون.