ڕاپۆرته‌كان باس له‌وه ده‌كه‌ن كه له ئه‌نجامی هێرشی هێزه‌كانی تاڵبان له ڕۆژئاوای ئه‌فغانستان، لانیكه‌م ١٤ كه‌س گیانیان له‌ده‌ستداوه و ٩ كه‌سی دیكه‌ش به سه‌ختی برینداربوون.
به‌وته‌ی كاربه‌ده‌ستانی پۆلیسی ئه‌فغانستان، به‌هۆی هێرشی هێزه‌كانی تاڵبان بۆ سه‌ر وێستگه‌یه‌كی پشكنین له ویلایه‌تی هه‌رات له ڕۆژئاوای ئه‌م وڵاته، لانیكه‌م ١٤ كه‌س گیانیان له‌ده‌ستداوه. به پێی ڕاپۆرتی هه‌واڵنێریی ئاسۆشیتێدپرێس، وته‌بێژی ویلایه‌تی هه‌رات ڕایگه‌یاندووه كه دوو كه‌س له برینداربووه‌كان دۆخی ته‌ندرووستیان ناجێگیره. شایانی باسه، تاڵبان به‌رپرسایه‌تیی ئه‌م هێرشه‌ی گرتووه‌ته ئه‌ستۆ.