بەپێی ڕاپۆرتەکان، لە درێژەی هێرشە هەواییەکان بۆ سەر ناوەندەکانی کۆماری ئیسلامی، چەند شارێکی ئێران بوونەتە ئامانجی ئەم هێرشانە و دەنگی تەقینەوەکان لە هەندێک ناوچەی وڵات بیستراوە.
بەپێی زانیارییەکان، لە تاران چەند ناوچەیەکی وەک گەڕەکی باقری، دەوری فەلکەی حوڕ و هەندێک ناوچەی دیکە بوونەتە ئامانج و دووکەڵی ڕەش لە ئاسمانی ئەو ناوچانە بڵاوبووەتەوە. هەروەها لە ئیسفەهان، هەمەدان و ئەراکیش دەنگی تەقینەوەکان بیستراوە و هەندێک ناوەندی پەیوەندیدار بە هێزە سەربازییەکان زیانیان پێ گەیشتووە. لە هەمان کاتدا لە قزوین، زنجان، بوشێهر و هەندێک ناوچەی دیکە، هێرش کراوەتە سەر هەندێک پێگەی سەربازی.