ڕۆژی پێنجشه‌ممه ٢٥ی گوڵان، دانیشتووانی گه‌ڕه‌كه‌كانی ئه‌شره‌فییه و شێخ مه‌قسوودی حه‌له‌ب هاوكات له‌گه‌ڵ ڕۆژی زمانی كوردی، ئاهه‌نگی شاییان گێڕا.
به‌پێی ئه‌و دیمه‌نانه‌ی له تۆڕه كۆمه‌ڵایه‌تیه‌كان بڵاو كراوه‌ته‌وه، ژنان و پیاوانی ئازادیخواز به جل و به‌رگی ڕه‌نگاوڕه‌نگی كوردییه‌وه به‌شداری ئه‌و مه‌راسیمه بوون و له‌گه‌ڵ بڵاوكردنی مۆسیقای كوردی شاییان دره‌بڕیوه. به‌شداربووان داوایان له حكوومه‌تی نوێی سووریه كرد ڕێز له كه‌مینه‌كانی ئه‌و وڵاته بگرێت و زمانی كوردی به فه‌رمی له یاسای بنه‌ڕه‌تی وڵات دا بناسێنێت.