دادگا سزای شاری ئامەد لە باکووری کوردستان، بەتۆمەتی ئەندام بوون لە پارتی کرێکارانی کوردستان سزای شەش ساڵ و سێ مانگ زیندانی کردنی بۆ “کەماڵ بولبولی” پەرلەمانتاری هەدەپە پەسەند کرد.
بەپێی ڕاپۆرتەکان، نۆهەمین دادگای سزای ئامەد، ئەو ئەندام پەرلەمانەی “هەدەپە”ی بە تۆمەتی بەشداری لە کۆبوونەوە و ئەو قسانەی کە لە گفتوگۆیەکدا کردبووی، دۆسیەکی بۆ کردووەتەوە و لە دوایین دانیشتنی دادگای ئەو شارە بە تۆمەتی ئەندام بوون لە پارتی کرێکارانی کوردستان سزای شەش ساڵ و سێ مانگ زیندانیکردنی بەسەردا سەپاندووە.