چوار هاووڵاتیی خەڵکی پیرانشار کە لە ڕەوتی بزووتنەوەی “ژن، ژیان، ئازادی”دا دەستبەسەر کرابوون، لەلایەن دەزگای قه‌زایی ڕژیمه‌وه به تۆمه‌تی “هاوكاری له‌گه‌ڵ یه‌كێك له حیزبه نه‌یاره‌كانی ڕژیم” سەرجەم سزای ١٢ ساڵ و ٢ مانگ بەندکردنیان بەسەردا سەپاوە.
بەپێی بڕیاری دادگا، “باپیر بەرزە” سزای ٣ ساڵ بەندکردن، “محەممەد ئیسماعیلی” سزای ٢ ساڵ و ٨ مانگ بەندکردن، “ئیسماعیل محەممەدپوور” سزای ٤ ساڵ و ٦ مانگ بەندکردن و “زانا خووشامەن” سزای ٢ ساڵ و ١ مانگ بەندکردنی بەسەردا سەپاوە.