سەپاندنی حوکمی زیندان بەسەر هاووڵاتییەکدا لە شاری شنۆ

بەپێی ڕاپۆرتەکان، هاووڵاتییەکی خەڵکی شاری شنۆ لە لایەن دەزگای دادوەریی کۆماری ئیسلامییەوە حوکمی دوو ساڵ زیندانی بەسەردا سەپێندرا.
ئەو هاووڵاتییە کە ناوی «کەیوان ڕەسووڵی ئازەر»ە، تەمەنی ٤٣ ساڵ و باوکی منداڵێکە، مانگی سەرماوەزی ساڵی ڕابردوو لە لایەن هێزە ئەمنییەکانەوە دەستبەسەر کرا و پاش ماوەیەک بە دانانی بارمتەی قورس تا کاتی دادگاییکردنی ئازاد کرا. ناوبراو دواتر لە دادگا بە تۆمەتی «ناردنی زانیاری بۆ میدیاکانی دەرەوەی وڵات» دادگایی کرا و لە لایەن لقی ١ی دادگای شاری شنۆ بە سەرۆکایەتیی عەلی ئەنساری حوکمی دوو ساڵ زیندانی بەسەردا سەپێندرا.