فیدراسیۆنی جیهانیی ئیتحادییە کرێکارییەکان، پشتیوانیی خۆی لە سەرکەوتنی ناڕەزایەتی کرێکارانی قیبرس بۆ وەرگرتنی یارمەتی مەعیشەتی ڕاگەیاند.
کرێکارانی قیبرس پاش ناڕەزایەتێکی بەهێزی چەند رۆژە، سەرکەوتوون و دەوڵەت ناچار کرا کە گەڵاڵەی “یارمەتی مەعیشەتی” جێبەجێ بکات. ئەم یارمەتیه سازوکارێکە کە بەپێی ئاستی هەڵاوسان، مووچەی کرێکاران بە شێوەیەکی ئوتوماتیک زیاد دەکات و هێزی کڕینی کرێکار بەرز دەکاتەوە. دەوڵەتی قیبرس لە سەرەتادا دژی ئەوەبوو کە ئەم گەڵاڵەیە بچێتە پەرلەمان، بەڵام کرێکاران لەگەڵ ژمارەیەک لە ڕێکخراوە مەدەنی و خوێندکارییەکان دەستیان دایە نارەزایتکی گشتی. ئەم خۆپیشاندانانە بەرەبەرە پەرەی سەند و بووە بەشێک لە کێشەیەکی فراوانتری کۆمەڵایەتی و سیاسی.