ڕۆژی سێشه‌ممه ١٤ی گه‌لاوێژ، دارستان و مێرگی ئاواییه‌كانی قۆزڵوو و تیكانلووی سه‌قز له‌لایه‌ن دۆژمنانی ژینگه‌وه سووتێندرا و زیانێكی زۆر به سرووشتی ناوچه‌كه گه‌یشت.
به‌پێی ئه‌و دیمه‌نانه‌ی له تۆڕه كۆمه‌ڵایه‌تیه‌كان بڵاو كراوه‌ته‌وه، ئه‌ندامانی ئه‌نجوومه‌نی ژینگه‌پارێزی “ژیانی سه‌وزی سه‌قز” و خه‌ڵكی خۆبه‌خش پاش چه‌ند كاتژمێر توانیویانه ئاگره‌كه كۆنتڕۆڵ بكه‌ن. ژینگه‌دۆستانی سه‌قز داوایان له خه‌ڵك كردووه خۆیان له ئاست پاراستنی ژینگه به‌رپرسیار بزانن و ڕێگه نه‌ده‌ن ناحه‌زان سرووشتی كوردستان له ناو ببه‌ن.