وەزیری دەرەوەی ئەمریکا ڕایگەیاند، بەهۆی پێشێلکردنی ئەو سزایانەی سەپێندراوە بەسەر کەرتی نەوتی ئێراندا، سزایان بەسەر کۆمپانیای “چوهای چانگ ڕۆنگ”ى چین دا سەپاندووە.
“مایک پۆمپێئۆ”، بەڕۆژنامەنوسانى راگەیاندووه، پێشتر وتوویانە سزایان بۆ هەر جموجۆڵێک دەبێت کە سزاکانى سەر ئێران پێشێل بکات و بەگرنگییشەوە لەو بڕیارەیان دەڕوانن. “چوهای چانگ ڕۆنگ” کۆمپانیایەکى تایبەتە بەکڕینى نەوتى ئێران و پێشتریش بەهۆى مامەڵەکردن لەگەڵ ئێراندا، لەلایەن باراک ئۆباماى سەرۆکى پێشوى ئەمریکاوە سزادراوە. ئەم هەنگاوەى واشینگتۆن لەکاتێکدایە كه لەماوەى ڕابردوودا پەیوەندییەکانى ئەمریکا و چین گرژی تێکەوت، بەڵام دواتر گفتوگۆ بازرگانییەکانى نێوانیان دەستیپێکردەوە.