به پێی ڕاپۆرتی ڕێكخراوی مافی مرۆڤی هەنگاو: “عادڵ موکەڕەم”، بەندکراوی سیاسیی ڕاگیراو لە زیندانی ورمێ، لە لایەن دادگای ڕژیم له‌مشاره حوکمی یه‌كساڵ زیندانی بۆ بڕایەوە.
بە پێی ئه‌م ڕاپۆرته، ڕۆژی شەممە ٢٤ی گه‌ڵارێزان، “عادڵ موکەڕەم” بەندکراوی سیاسی کە لە زیندانی ناوەندیی ورمێ ڕاگیراوه، لە لایەن لقی دووی دادگای ڕژیم له ورمێ بە تۆمەتی “بەزاندنی نایاسایی سنوور”، حوکمی یەک ساڵ زیندانی بەسەردا سەپا. ناوبراو لە ڕێکەوتی ٢١ی ڕەزبەری ئەمساڵەوە بە مەبەستی ناڕەزایی دەربڕین بەرانبەر بە نادیاربوونی چارەنووسی، لە زیندان مانی لە خواردن گرتبوو و چەندین جاریش هەوڵی خۆکوشتنی دابوو. سەرئەنجام ڕۆژی شه‌ممه دوای کۆتایی هێنان بە مانگرتنەکەی لە ژووری تاكه‌كه‌سییه‌وه گوازرایەوە بۆ بەندی زیندانیانی سیاسی.